எப்பொழுதாவது......❤❤

உள்ளத்தைக் கொள்ளை கொண்டவன்
வீடு தேடி வருகையில் மெய் சிலிர்த்து
ஒரு கணம் அப்படியே நின்றதுண்டா..??❤

தேநீர் கோப்பை அவன் கைக்கு பரிமாறுகையில்,
அவன் ஒற்றை விரல் நுனி தீண்டலில்
சிலாகித்து நின்றதுண்டா...??❤

அவன் அடம்பிடிக்கும் கணங்களில்
அவனுக்காக என்று விட்டுக்கொடுத்து
அந்த வெற்றிப் புன்னகையை இரசித்ததுண்டா......??❤

குடும்ப அங்கத்தவர்களை அவனுக்கு அறிமுகம் செய்கையில்,
அதற்கு தகுந்தவாறு அவன் இசைவாக தடுமாறுகையில்,
புன்னகையில் நீங்களே சமாளித்ததுண்டா...??

உங்கள் தாய் தந்தையை
அவனின் தாய் தந்தையென மதிக்கும் பொழுதுகளில்
நல்லவனைத் தேர்ந்தெடுத்துவிட்டதாய்
பெருமிதம் கொண்டதுண்டா??❤

அத்தனை சந்தர்ப்ப குறைகளையும்
முகம் சுளிக்காமல் அவன் எதிர்கொள்கையில்
ஒரு கணம் அவனை அள்ளி அணைத்திட துடித்ததுண்டா...??❤

அத்தனை முகமாற்றமும் கவனித்து
என்ன என்று ஒவ்வொன்றுக்காய் அவன் புருவம் உயர்த்துகையில்,
கவலைகளை கண்ணில் மறைத்ததுண்டா...??

அவனின் அக்கறைக்காய் குரல் உயர்த்தி அதட்டிப் பேசுகையில்
அவன் பொய்யாகப் பயந்து பணிகையில்
உதடு அசையாமல் வரும் சிறு புன்னகையை அவனிடம் மறைத்து மகிழ்ந்ததுண்டா....??❤

உங்கள் தாயின் கையால் சமைத்த உணவை
அதிகளவாய் அவன் பாராட்டுகையில்,
புதிய ஒரு இன்பச்சுவையை அந்த உணவில் முதன்முதலாக உணர்ந்ததுண்டா....?❤

அவனின் சிறு சிறு அசைவுக்கும்
நீங்கள் அர்த்தம் கற்பிக்கையில்,
அவனின் கண்களில் காதல் ததும்புகையில்
உங்கள் கண்களாலே அவனுக்கு காதல் கற்பித்ததுண்டா...??❤
 
குடும்ப சகிதம் வெளியே சென்றிருந்தாலும்
நீ என்னவள் என்று அவன் அடிக்கடி கோடிட்டு காட்டுகையில்
உச்சி குளிர்ந்து அவன் கன்னம் மோந்ததுண்டா....??❤

இப்படியும் காதலிக்க இயலுமா என்று அவனை நான் கேட்கையில்,
இன்னமும் காதலிப்பேன் பாரென்று அவன் சட்டைக் காலர் உயர்த்துகையில்,
அந்தக் காலரைப்பிடித்தே அவனை அப்படியே அருகில் இழுத்து அவன் கண்ணோடு காதல் சொன்னதுண்டா...??❤

தனிமையில் காதல் கவிதைகளே உளறினாலும்
குடும்பத்தவர்களின் முன்னிலையின்
அவனின் ஒற்றைக் காதல் வார்த்தையில் வானளாவ வெட்கப்பட்டதுண்டா...??❤

சிறுகச் சிறுகச் சேமிக்கும் காதல்
நாட்கள் நகர நகர அதிகரிப்பதாய்
எண்ணி எண்ணிப் பூரித்துப் போனதுண்டா..??❤

அனைவரின் முன்னிலையில் சென்றுவருகிறேன் என அவன் கண்ணில் சொல்கையில்,
கண்களில் ததும்பும் கண்ணீரை மறைத்தே அவனுக்கு கண்களாலே சம்மதம் சொன்னதுண்டா..??❤

அவனை தன்னவனாக்கும் நாளை எதிர்பார்த்து
அவனை மேலும் மேலும் காதலித்து
என்னைப் போல் இன்ப வேதனை அனுபவித்ததுண்டா...??